PN APROVA ORSAMENTU SEPFOPE TOKON $ 12,953







DILI - Parlamentu Nasional (PN) aprova orsamentu Jerál Estadu(OJE)2013 ba Sekretáriu Estadu Polítika Formasaun Profisinál Empregu (SEPFOPE) hamutuk tokon US$ 12,935, Sesta(15/2).

Liu husi sesaun votasaun, Membru parlamentu nasioñal  aprova orsamentu SEPFOPE ne’e ho votu afavor 61, abstensaun 3 no vota kontra.

Governo apresenta proposta OJE 2013 baq SEPFOPE ho montante tokon US$ 12,953. Husi total orsamentu ne’e kompostu husi saláriu vensimentu tokon US$ 1,295, bens servicu rihun US$ 983.

Transferénsia tokon US$ 10,623, kapitál menór rihun US$ 52 no kapitál dezenvolvimentu rihun US$ 810.

Deputada bancada CNRT, César Valente de Jesus , husu ba SEPFOPE tenke identifika área ne’ebe potensiál no presija halo estrada ho projeitu dolar tolu ($ 3) atu komunidade bele asesu ba merkaduria.

“Uluk Governu anteriór halo projeitu estrda dolar tolu, maibé komunidade barak la uza hodi asesu ba merkadu. Tanba laiha produtu potensiál, la halo estudu kle’an antes halo obras inklui koordena ho Ministériu Obras Públiku,” tenki nia, iha uma fukun PN.

Deputadu Fretilín, Auréliu Freitas Ribeiro, husu ba sektrarizmu estadu atu kria polítika ba trablhadór sira ne’ebé iha inisiativa buka servisu rasik iha rai li’ur, hanesan Inglatera no Irlandia hodi tau matan mos ba sira hanesan móa traballdór sira ne’ebé mak iha Korea no Austrália. responde perkupasaun ne’e, Sekretáriu Estadu, Ilidio Ximenes hateten, sira nia parte kontinua loke odamatan ba área rurál ne’ebé kondisaun estrada  la di’ak atu hatama proposta.

“Atu ami nia tékniku sira ba peskiza estrada no hare produtu potensiál saida mak iha bainhira ita loke estrada komunidade bele asesu merkaduria,” tenik nia.

Kona-ba traballdór Timor-oan ne’ebé iha inisiativa rasik hodi buka servisu iha Irlandia no Inglatera, tuir Ilidio, konsidera iha direitu hanesan traballadór timor-oan ne’ebé agora iha servicu iha Korea no Autrália.
Nune’e, nia dehan, iha ona politíka ba orsamentu 2013 atu koloka formador mekánika no kanalizasaun husi Don-Bosco no Senai Bekora sei koloka ba iha kompañia sira atu bele hamenus dezempregu iha rai laran.

No comments:

Post a Comment

Related Posts Plugin for WordPress, Blogger...